利孝和夫人笑談廣東話

一個專門為自由行旅客而設既環節-笑談廣東話。
當當當當 當當當當 當當當當 當 當
（音樂背景）
大家好，多謝你地收聽呢個環節，我，呵，就係呢個節目既主持人，利孝和。
我係夫人。
今日，教大家講既廣東話係，如果，你發現自己遇到一個好壞既情況，譬如，有一日，係屋企，去廁所既時候，屙血，係呢個情況既時候，哇，當然係坏啦。甘既情況，一係，你就係胃潰瘍，一係，就係你係生癌!又或者係你食佐好多番茄，當然食番茄就更係無野啦，但若然你真係生癌既話哩，導致屙血哩，甘呢個情況就好差啦。甘係呢個情況，廣東話我地就叫做。。。
你今次真係屙叭喇啊！
無錯，叭喇，本來係英文字來架，叭喇，亦都係中文，我地叫佢做叭喇。好啦跟我講一次，呢個中文字。。
叭喇
英文字。。
叭喇
好啦，大家都好熟啦。甘，哪，聽住啦哦，叭喇，係中文定英文啊呢個？
英文！
錯啦，啊係中文來架。啊呢個啦，叭喇，呢個哩？
中文！
嘛錯啦，呢個係英文來架。好啦，當大家哩對於叭喇呢個字，中英文既發音都清晰之後哩，就開始實用性啦。哪如果，各位自由行既遊客，有一日，你來香港睇報紙，發現你既香港偶像係電影金象獎，因為公佈佐票數之後，輸佐好多票，拿唔到獎，而你又甘ngam，響香港街市個度撞倒佢買送，係呢個時候，你可以指住佢，同佢講。。
你今次真係屙叭喇啊！
再講！
你今次真係屙叭喇啊！
再講！
你今次真係屙叭喇啊！
又或者，你係街度，你係街度撞倒欣宜，發現佢瘦佐好多，但係呢，前幾日哩，你哩，先至ngam ngam哩，同同鄉，係鄉下度笑佢肥，甘呢，你就可以係呢個時候，立即指住自己，同自己講。。。
我今次真係屙叭喇啊！
再講！
我今次真係屙叭喇啊！
當然甘難得見到欣宜你指住佢講。。。
我今次真係屙叭喇啊！
如果，略過，啊，呢個情況已經係好壞啦。遇到比呢個情況更坏，甘點呢？譬如，你係香港的金鋪度買金，就發覺所有金都俾你買曬啦，連金曾志偉既頭你都買埋，但係呢，你仲有好多錢剩洗唔曬，甘係呢個時候哩，你就可以對住金鋪既職員大喝一句。。。
你今次真係屙叭喇啊！
再講一句！
你今次真係屙叭喇啊！
如果個金鋪既職員好無奈既回你一句，無啊，我無屙叭啦啊。甘你就可以升級，用另外一句，比屙叭啦更加嚴重既廣東話。。。
你今次真係屙木塞啊！
再講！
你今次真係屙木塞啊！
哪木塞哩，本來拿來塞住的野架，若然都屙得出個話哩，就即係塞唔住，情況好嚴重啦。若果個職員呆佐，甘你就立即可以乘勝追擊，講個勁的既。。
你今次真係屙大吉啊！
再講！
你今次真係屙大吉啊！
如果個職員喊個話哩，你就再講個勁的既。。
你今次真係屙coconut啊！
再講！
你今次真係屙coconut啊！
。。。你阿媽啊。。。係咩野情況之下，可以屙出一個甘大既coconut哩?係呢個情況，一定係好壞架啦。當然，如果你想置個金鋪職員于死地，甘，係呢個時候，你就可以用一句最勁既，對住個個職員，大喝一聲~~~~
你今次真係屙叭喇既coconut啊！
再講！
你今次真係屙叭喇既coconut啊！
你唸下，屙coconut已經情況嚴重啦，仲要屙叭啦既coconut，應該就情況好不妙啦，所以記住，唔係最後個關頭都唔好。。。

嘻嘻，我係唔係好無聊哩？